模特兒陳俞希（Hailey C.）完成nowTV102觀星娛樂台主播工作後，獲公司安排於明年開設的免費頻道擔任主持工作：「好感激公司給予機會，可以嘗試更多主播以外工作，依家可以裝備自己做到最好。（若有機會拍劇？）梗係希望有機會啦！之前都有參與過電影拍攝，劇集真係未試過，都想試吓多方面發展。」

陳俞希參觀「鉄人28」展覽。

陳俞希去旅行品嘗美食，難怪肥咗！

此外，早前她抽空暢遊大阪，參觀「鉄人28」大型展覽及品嘗不少美食，令她增磅回港，她笑說：「今次都重咗三磅返香港，我仲要即刻為電視台擔任主播，結果收到不少朋友致電問我做乜個人腫晒，依家真係要積極收身！（有艷遇？）街頭都遇到有日本男仔讚美，但估計佢哋都係推廣食店啫！」