黃浩然與好友田蕊妮在新劇大鬥「無雙」演技，他笑言較習慣與男裝的阿田相處。對於因病失卻重頭劇要角，浩然平衡得失心，整裝待發迎接更多新角色及機會。

對獎項平常心的黃浩然，希望台慶有份提名！

黃浩然身體狀況OK，重投工作。

黃浩然笑言田蕊妮在《無雙譜》反串男裝的造型「仲順眼」！（資料圖片）

黃浩然在劇集《無雙譜》中與視后田蕊妮拍檔，各自分飾兩角，關係錯綜複雜，浩然表示與阿田相識多年，但今次是首次演對手戲，拍攝過程相當有默契。不過他笑言視阿田為兄弟，與她演感情戲反而奇怪：「佢反串演男人仲順眼！」又透露二人有互相欣賞的「HeHe」兄弟情。

想台慶有提名

浩然已非首次展現「無雙」演技一人分飾兩角，曾在劇集《大藥坊》分飾孿生兄弟，他說：「呢兩個角色因為外形同語氣都太似，所以演起嚟會好難。《無》就演兩個個性好唔同嘅角色，一個懦弱書生、一個王子。（演到分裂？）今次就分開拍嘅，角色有唔同嘅性情，都Handle到。（有信心入圍台慶頒獎禮？）今次演單元劇戲份會短啲，希望會有提名參與吓！」談到因病辭演的劇集《張保仔》同為台慶劇之列，浩然坦言感到可惜：「始終係身體緊要，自己都有追睇，佢哋玩好多特技。（有信心贏洪永城拎獎？）自己冇諗呢啲，我希望兩線劇都收視好啦！」

怪病難預計

一場怪病令浩然失卻一部重頭劇，但他未有迷失，在愛妻的支持下重拾健康體魄：「以前食嘢唔諗咁多，開劇就食飯盒，依家有太太愛心飯盒，又戒埋煙，加上做運動，希望減低對身體嘅傷害！」他早前已拍畢新劇《警犬巴打》，坦言身體已漸入佳境：「開工時都有擔心，畢竟有動作場面，個病又難預計，但我可以講身體狀況已經OK，Ready好重投工作，就等公司安排。」

文：影視組

攝：嚴偉國