「女神」岑麗香終於公開戀情，成功俘虜女神芳心的幸運兒是一名從外國回流的六呎猛男，二人於年初經朋友介紹下認識，拍拖大半年。貴為無綫力捧花旦的香香愛情大過天，與男友在公眾場合亦毫不避嫌，相當親密！日前她更被發現在寓所附近的商場與男友公然拖手，更情不自禁當眾親吻。香香昨日受訪時全程甜笑：「我哋3月中先開始拍拖，佢喺外國返嚟，中文麻麻，所以同我好啱Key。（公然咀嘴？）係呀！我都覺得尷尬！（有咩吸引？）佢心地好好，對家人又孝順。其實我都有一段時間冇拍拖，希望外界支持我。（結婚對象？）咁快講呢啲？一步一步了解先！（公開戀情有冇壓力？）拍拖係開心事，我都係正常人，公司亦冇話唔鍾意！」

受訪時，香香全程甜笑，大方認戀猛男。