關詠荷邊笑邊為女兒遮面，似玩捉迷藏多啲！
關詠荷前日與愛女張童（Brittany）撇甩老公張家輝到中環行書店，揀完圖書又揀文具，未幾關詠荷拿着一堆戰利品付款，女兒則乖巧地站在一旁，邊看故事書邊等媽媽，離開時兩母女發現記者在場，關詠荷攬實女兒，Brittany則搞笑地伏在媽媽肚上偷笑，關詠荷見狀亦忍不住笑，其後再出手幫女兒掩面，急急離開。
活潑的Brittany以為避開記者視線，開心到邊跑邊蹦蹦跳，十分可愛，遺傳了爸爸調皮的個性！後來見媽媽落後，她立即回頭拖實媽媽急奔，關詠荷無奈地被女兒拖實於商場疾走，其後極速登車走人。
