身處內地工作的張文慈與林雅詩情同姊妹，問到對Grace睇急症是否知情？她表示還未了解清楚事情：「吓！奇怪喇！晏晝仲同佢WeChat過，佢仲問我去唔去佢個寫真發布會，我應承佢如果到時喺香港、又冇工作一定會去。唔知道佢入院或者自殘嘅事，唔方便講咁多，等我了解咗先。一直知佢情緒有問題，但未深入了解過，佢冇講，我都唔想逼佢！（帶佢返教會呀？）有帶過，而且佢都有信仰，見佢都有讀過聖經金句。希望佢咪做傻事，我都會多啲關心佢。」

張文慈勸林雅詩不要做傻事。

鄭伊娜表示會多關心林雅詩。

而另一好友前亞姐鄭伊娜亦不知道林雅詩左手受傷睇急症：「我唔知呢件事，佢冇乜事吓嘛？（佢有冇同你講唔開心？講屋企啲嘢？）我都係上次出活動見過佢，我哋傾嘅都係工作，或者我晏啲關心吓佢。」