中國小姐冠軍朱盈盈（Zenia）不時到健身室做Gym收身，身材Fit爆的她，多次引來肌男搭訕「抄牌」！

身材Fit爆的朱盈盈原來經常到健身室做Gym，仲引來不少狂蜂浪蝶！

朱盈盈參加過不少選美比賽，希望轉行挑戰演藝圈。

有「嫩版李彩華」之稱的模特兒朱盈盈身形高挑，全因她經常做運動。異性緣爆燈的她就連在Gym房健身都有艷遇，經常被肌男包圍搭訕：「成日有男仔行過嚟撩我傾偈，大隻同高大有型嘅會加分，有啲講嘢有技巧，啱傾都會交換電話。（啲男仔乘機捉手仔教做Gym？）個個男仔都話我要改善姿勢，但我比較怕醜，如果畀唔熟嘅男仔掂，我會避忌，企側邊聽佢教就可以。」

收千隻紙鶴心動

外形甜美的Zenia更大談擇偶條件，她認為揀男友不一定要靚仔：「性格始終最緊要，我鍾意男仔有風度、幽默，有心思搞驚喜。」她又分享了一段難忘的心跳回憶，讀中學時被一名癡心男狂追，惟當時她已有男友而未能跟對方發展：「佢仲繼續對我好好，有次佢摺咗千幾隻紙鶴畀我，每隻都寫晒字，好感動！之後我變番單身，同咗佢一齊兩星期，可惜最後分隔兩地要分手，但呢段回憶好Sweet！」

選美成癮曾奪冠

Zenia曾贏得2013年中國小姐香港區冠軍，又曾參選港姐、亞姐及環球比堅尼小姐等賽事，說她迷上選美也不為過：「細個已經覺得好多選美冠軍都好靚，美貌與智慧並重，好多親友都叫我參加，呢幾次選美經歷似人生縮影，幾個月就學到非常多嘢！」嘗過冠軍滋味，她透露下一步希望打入演藝圈，做個出色的演員。

Profile

朱盈盈（Zenia）

身高：1米66

體重：46kg

三圍：33C、24、35

簡歷：贏得2013年中國小姐香港區冠軍及全國季軍，曾參加2013年亞姐及2015年環球比堅尼小姐大賽，參與電影《單身男女2》及《唐伯虎衝上雲霄》，擁有大學學歷、八級鋼琴資歷。

文：立影　

攝：黎志輝