伍允龍日前與劉佩玥及張國強於九龍塘拍攝無綫新劇《城寨英雄》，他透露劇中有大量動作場面，與吳家樂的對打戲最多：「第一場唔係好熟就住打，拍耐咗變成朋友，大家都打得好爽、好放。」 問到哪場戲最甘？他笑說：「打擂台，因為要除衫，呢套劇好多場面要除衫，要保持體能又唔可以食咁多，有啲辛苦，暫時都有六舊腹肌。」談到感情生活，跟鍾嘉欣分手的他說：「依家主要諗工作，嚟緊工作都密啲，加上大部分都係動作戲，要好專注，唔係好易受傷。」

劉佩玥與伍允龍在新劇中有感情線，二人更傳出緋聞。

至於與他傳緋聞的劉佩玥表示劇中有感情線，更多番由他英雄救美，飾演霸道千金的她笑說：「我啲功夫都耍家，好多古靈精怪嘢。（鍾意打得嘅男仔？）唔係打得嘅男仔吸引女仔，係健康、令女仔有安全感嘅男仔好吸引人。」