古巨基連日忙於為下月在深圳舉行的《我們》世界巡唱排練，他率先披露今次演唱會將大玩穿越時空，屆時他會乘時光機於半空中出場，更會配合很多視覺效果：「我想做裸視立體影像，唔使戴任何眼鏡都有立體感。」他又表示是次製作費耗資巨大：「經理人Mani睇到個製作預算都嘩嘩聲，話條數好大。（驚唔驚扣你歌酬？）我歌酬不但冇減，仲比以前多咗，我冇開幾年，通貨膨脹都要加少少，我幫公司搵到就得啦！」他透露巡唱已落實多個站：「埋數時公司梗會笑。」雖然基仔有跟健身教練操Fit，但他表示今次不會騷肌：「我不嬲都唔係賣呢樣。」另一方面，基仔也忙於籌備11月11日的婚宴，他透露日前再到婚宴場地視察：「真係忙到頭都大。」

古巨基笑指Mani睇到製作預算時嘩嘩聲，但埋數時就會笑。