「舞界萬綺雯」張凱婷（Niki）憑出色舞技參演《喜愛夜蒲3》，而她最滿意自己的「另類線條美」，更笑言不怕被當諧星！

張凱婷原來細個是骨感形，不過儲肥再減磅後，身材立體晒！

張凱婷拍攝期間同公仔玩唔停，果然性格好動！

張凱婷與正版萬綺雯一樣有雙42吋長腿，穿上三點式晒身材盡騷健康美！提到找公司，入行逾3年的她說：「自己性格隨意又鍾意自由，希望公司容許我盡情展現個人風格，因為做Freelance，試過好多唔同工作，拍戲、行大型Catwalk Show、泳衣騷……平時亦會喺Club出騷跳舞。」

唔介意被當諧星

練舞多年的Niki更被睇中拍電影《喜愛夜蒲3》：「好難忘嘅經驗！未入行時覺得同明星拍戲遙不可及，見到佢哋之後發覺好Nice，大家當普通人咁相處。」參加過不少模特兒比賽的她渴望入行，提到近年（口靚）模鬥騎呢博上位，她說：「我優勝之處係鍾意笑同埋好動，成日搞氣氛令身邊嘅人開心，我相信呢一點會令我比較突出！其實大家選擇唔同方式出名，搞騎呢新聞又未必錯，只係搵自己覺得啱嘅路，我都唔介意畀人當諧星咁笑。」

整容可以係好事

提到現今的整容熱潮，Niki抱開放態度：「如果係為咗變靚啲又未嘗唔係一件好事，我就對自己另類嘅線條最有自信，因為我本身骨架好大，細個嗰陣因為個人太薄、骨感太勁，用咗幾年時間去儲肥自己再收身，令身形更立體。」

Profile

年齡：24歲

身高：1米72

三圍：32B、25、36

場地：香港室內沙灘-Sand House HK

化妝：Jessica Yeung@J.A.C.K.Timeless makeup

文：專案組

攝：張福宏