藝人呂晶晶為新劇的火辣女特工角色密密練拳,本無功夫底子的她在冼灝英師傅嚴格指導下,重複出拳及踢腳,有板有眼!晶晶指過往大多飾演乖乖女等花瓶角色,故決心轉型大晒型格性感:「監製話啲戲服比較緊身,要騷到身體線條!(做奸角都得?)好想!(唔怕當街畀人鬧?)咁即係肯定我演技。」談及性感底線,她表示不介意裸背上陣:「唔會刻意除衫,三點不露,裸背係極限!(浪費身材?)露背都可以好靚!」她又透露因練習受傷致失眠:「一時失平衡撞落地,半邊Pat Pat撞到瘀黑色,瞓覺時痛到醒!出活動前又要化妝師幫我周圍遮手腳瘀痕。」提到老闆諸葛紫岐變瘦及被指抑鬱?她力撐對方:「係瘦咗,但屬於忙碌而有精神咁自然瘦。」場地:大聖劈掛門(冼灝英師傅)

賣力操拳的晶晶自爆練到手腳布滿瘀青。

不敢鬆懈的晶晶勤於操練,難怪輕易做出一字馬!

髮型:Tomas@K11 Hair Corner Salon