「新咪神」張秀文昨日性感出席中秋活動，已5年冇拍拖的她自認欠缺異性緣：「可能成日拍嘢都係同一堆女仔，太多選擇留意唔到我。（以為你係同性戀？）唔會啦！入行初期都有圈外朋友介紹男仔，依家反而想專心工作，拍拖要花時間畀驚喜對方。」她表示母親忙於照顧三個孫，已無暇「施壓」，故一切隨緣！
昨日28歲生日的張秀文透露，晚上會與家人食飯慶祝。
對於羅孝勇公然向女友餵食，秀文笑言羨慕：「佩服佢嗰種勇氣，如果他日我拍拖又感情穩定，男方唔介意都會公開。」
