女神吳若希（Jinny）年紀輕輕便經歷父母離異，加上母親3月底時踩單車出意外，半隻腳踏入鬼門關，故適逢人月兩團圓的中秋節，Jinny深明親情比愛情重要！雖然節日要在工作中度過，她都不忘跟母親及細佬一家人食個「快飯」，而一直努力工作擔起頭家的她已煉成鋼鐵之身：「咩都自己可以搞掂，唔需要男朋友依靠！」　

每逢中秋倍思親的吳若希，因父母離異而未曾一家四口歡度佳節。

以往的經歷令吳若希變得成熟獨立，更明白親情的可貴。

過去一年黑氣纏身的吳若希，負面新聞接踵而來，除母親於3月踩單車發生意外險賠上性命外，又傳她被包養、大玩忘年戀及喉嚨生繭等，惟樂觀的Jinny經歷過高低起跌後，坦言雖然工作與愛情重要，惟親情最可貴，故更珍惜與家人相處的時光。

紙燈籠大意義

雖然中秋節有工作在身，Jinny都不忘提前與母親及細佬「團圓」吃晚飯，她透露父母在弟弟出世後分開，10歲時來港與母親同住，至今未試過一家四口慶祝中秋：「印象中一家三口就試過，細佬出世後就冇機會，所以連四個人合照都冇！」她卻表示不覺遺憾，因與父親關係很Close，間中都會回內地探望父親、爺爺及嫲嫲。

Jinny對於人月兩團圓的中秋節亦難免有所感觸，她透露由爺爺嫲嫲湊大，中秋節都跟他們一起過，提到爺爺嫲嫲時更突然眼濕濕說：「因為當時環境麻麻，但佢哋特登走去買個燈籠畀我，嗰時紙燈籠好似幾毫子個，好羨慕同學仔玩緊入電芯嘅燈籠，依家諗番，反而覺得紙燈籠意義最大！」

「咩都自己可以搞掂」

談到年紀小小已經歷很多，並建立女強人的形象，Jinny笑言已學懂怎樣應付所有事情，問到可會怕形象太強而嚇怕追求者？她說：「覺得唔需要有個人喺身邊，咩都自己可以搞掂，唔需要男朋友依靠！」

另外，近日不少藝人都玩Hit爆的手機程式「17」App，Jinny昨日亦開放直播與粉絲見面，並加插跟細佬一起畫畫的片段，又透露喉嚨還未康復，需接受針灸治療。

文：音樂組　

攝：吳文聰