「翻版楊秀惠」賴彥妤冧不羈的霆鋒

貌似楊秀惠及黃芷晴混合體的模特兒賴彥妤（Vivienna），早前贏得2014年中華才藝小姐香港區季軍，今年加入性感組合Super Sexy Hero推出寫真集，以內衣造型上陣，實行　挑戰性感尺度。

感情亮紅燈 盡力挽救

自認有表演欲的Vivienna自小已學跳舞，很享受表演的感覺，加入演藝圈後亦希望多作不同的嘗試：「自己鍾意試新嘢，行騷、拍戲、做主持都想，我都係一個好勝嘅人，幾在意人哋點睇，亦係工作狂。台灣歌手A-Lin首歌《我很忙》好啱我，我有時會搞到自己好忙去忘記唔開心嘅嘢，不停工作亦想令自己繼續進步。我依家讀緊BBA，想不斷增值自己，將來開發自己生意，做老闆娘！」

Vivienna承認過去曾因太忙而與男友分手，但相信總會找到體諒的另一半。問到擇偶條件，她表示至愛謝霆鋒這類成熟又不羈的男士：「我鍾意陽光肌肉型，但最重要係睇性格同埋真心對我好。可能我係處女座幾長情，每次拍拖都維持好耐，次次都係對方要求分手，但我唔想自己後悔，所以每當感情出問題，都會先盡力挽救。」

Profile

賴彥妤（Vivienna）

三圍：34C、25、35 　

身高：1米7 　體重：47kg

文：影視組　

場地：Freepho