結婚近四年的李玟日前與老公Bruce一同出席慈善餐舞會，被問到老公是否十分黐身，她向《東網電視》笑說：「都唔係，因為佢成日周圍飛，我又要飛去內地工作，所以可以一齊就一齊。」她透露即將參與內地音樂節目，而且正忙於籌備推出發燒碟。

李玟忙到冇時間造人，但亦希望家庭事業兩兼顧！

問到工作繁忙的她會否沒時間造人，她說：「有嘅，不過緣分呢啲嘢難講，逼唔到，平常心繼續做自己嘅工作，如果有係好事。」她更自爆明年可能會排期雪卵，不過不會考慮試管嬰兒：「想自然，如果上天覺得我應該做媽咪，就會畀機會我。（放假可以多啲時間造人？）事業同做太太呢個角色係平衡嘅，我又想做好太太，又想做好工作，要取捨。」