素顏甄詠珊「泰」易認

甄詠珊早前到泰國旅遊期間與友人上烹飪班，學金邊粉、粉卷、杧果糯米飯及咖喱雞飯等地道煮法。平日有下廚的她超快上手，最難忘是被烹飪導師認出是藝人：「佢一上堂就用英文問我係咪香港藝人！我當時冇化妝，有啲尷尬，之後就趁其他人行開咗，先同佢講話係，佢好開心咁同我影合照，話之前嚟過香港工作，所以認得我，希望下次嚟香港都可以搵我研究下煮食心得！」此外，經常遊泰國的甄詠珊，對於早前曼谷爆炸事件非常痛心，但為安全起見，暫時擱置再去當地的計劃。