身高接近1米80的周美欣，日前腳踏六吋高跟鞋擔任模特兒比賽評判，頓時高人一等！她亦自嘲高度嚇人：「我見參賽者個個都好高，先着呢對鞋，平時唔敢着出街，因為（高度）太恐怖！（着咁高試過整親？）冇，好少着，我都驚跌親。」

身材高挑的周美欣笑言，很多男仔不敢站在她身邊。

談到身材高挑的她有否因此嚇走異性？美欣爆笑自認「生人勿近」：「因為我太高，做嘢時男拍檔唔敢企埋嚟，又極之唔想我企埋去！」提及工作，美欣直言11月首演舞台劇女主角，更為此瘋狂練舞：「第一次演舞台劇，要跳街舞，好緊張！（有舞蹈底子？）我細個玩過Drama同學跳舞！」