迷戀甜品的柯嘉琪為逐步走向開餐廳的夢想，早前跟酒店大師學藝，期間雖不時甩轆，但她愈戰愈勇，最後甚有大師風範！剛碩士畢業的她直言想有自己一手一腳設計的菜式，目標遠大。

情迷甜品的柯嘉琪，夢想開餐廳。 情迷甜品的柯嘉琪，夢想開餐廳。

柯嘉琪坦言想有自己一手一腳設計的菜式。

柯嘉琪跟米芝蓮大師Oliver學藝。

模特兒柯嘉琪（Kiko）早前到酒店跟隨米芝蓮1星級甜品大師Oliver Lannes學習廚藝，期間笑料百出，她擠餅底擠過界之餘，更分錯餅底餅面！幸而Kiko愈整愈熟手，更膽粗粗挑剔大師甜品都有氣泡！她試過自己的製成品後，大讚好味：「就算我呢個Beginner嚟講，甜得嚟又唔會太漏，好多女仔都驚漏，食咗之後唔使食其他嘢。（點解想學整甜品？）啱啱Master畢業，諗緊之後嘅路應該點樣走，除書展出書外，我嘅夢想就係開一間餐廳。我好為食，媽咪喺屋企就成日話我，你咁為食但又唔識整嘢食咁點算呢？」

尚有進步空間

下廚經驗不多的Kiko坦言尚有不少進步空間：「咪睇到好似好易咁，佢比一般嘅Cupcake難好多。（最難嘅地方喺邊？）切餅，同埋你要搓番靚個形，所以好考工夫、耐性同Technique。」但Kiko從未灰心，希望開餐廳時能學Oliver有屬於自己設計的菜式。

文：影視組