去年與甲一籃球員劉健明結婚的運動型索模余曉彤（Hidy）月前喜懷BB女榮升辣媽，近日為代言的潛水會拍攝廣告時孭起全副潛水裝備，更不乏穿起兩件頭泳衣騷三吋事業線博到盡，她說：「今次廣告以健康性感為主，融合運動加濕身，想帶出今時今日嘅女仔都可以好Strong。」雖然拍攝時已懷孕四個月，但Hidy仍未肚凸凸，還堅持親身上陣拍攝，一度令老公非常擔心：「拍攝時要不斷淋水，老公驚我病，所以一直監場服侍周到。」

佗女的Hidy升「Cup」後晒三吋事業線，加上一頭濕髮，攞命！

腹部微隆的Hidy孭起全副潛水裝備，夠型！

不過，Hidy坦言佗BB期間不能潛水，又呷未出世的B女醋：「我要等個BB出世後先可以復出潛水同教潛水，老公仲話第時要帶個女潛遍世界各地，但冇話帶我，超呷醋！」