婚後繼續工作的徐綺雯雖然忙碌，但閒時愛與老公切磋廚藝，炮製美食互冧。今個中秋節，她特別炮製卡通豬形月餅冧老公，笑言與他一樣咁可愛。

徐綺雯炮製卡通豬形月餅，自言閒時最愛與老公鬥煮互冧。

澳門孝思墓園後人徐綺雯（Candy）百足咁多爪，婚後繼續拍攝廣告及擔任司儀工作等，而研究美食更是興趣之一。中秋節將到，Candy以光波爐來炮製奶黃月餅，直言選擇挑戰奶黃月餅是因油分少較健康，製作當日還特意帶了一個卡通人物「麥兜」作為月餅模，她笑言「麥兜」跟老公一樣可愛：「平時大家都會親自下廚，係維繫夫妻感情嘅最好方法，大家又有共同話題。無論煮得好唔好，都可以同對方分享。老公煮嘢食都好叻，例如海南雞飯！」

吉隆坡掀風「雲」

Candy自言性格較急躁，下廚反而可訓練耐性：「煮嘢食要細心，要好有想像空間，例如買咩食材，就算食剩嘅嘢都可以諗吓點再利用再煮！」Candy與老公滿腹食經，繼將在本月底推出大型購物網站外，還計劃在吉隆坡投資雲吞麵店，她說：「香港雲吞麵店已經飽和，吉隆坡有好多中國人，但好味嘅雲吞麵舖就唔多，加上成本低租金平，所以考慮喺當地開舖！」

文：專案組　

攝：劉智源