最近推出新歌的歌手張惠雅旅行經驗豐富，但早前到稻城亞丁時卻「險過剃頭」，不但被騙財，登上海拔4,700米高山時又出現高山反應，事後更足足發燒三日！

Regen以旅行比喻人生，旅途上遇到的人和事都成為其學習對象。

無論隨和定Cool爆表情，Regen都能駕馭，堪稱「表情帝」！

前組合HotCha成員張惠雅（Regen）近年單飛發展，最近她推出有份作曲的新歌《一個人旅行》，更開心邀得偶像Supper Moment填詞：「我有同佢哋傾偈講經歷，好開心佢哋寫到首好屬於Regen感受嘅歌，一開始收到份詞睇到爆喊，係我嘅心聲。首歌講人生好似旅程咁，一個人會遇到好多人、發生唔同事，要學識放手。」

事後發燒三日

經常獨自旅行的Regen去過不少地方，早前她到訪四川稻城亞丁時可謂驚險萬分！事緣她登上海拔4,700米的牛奶海時出現高山反應：「我行到三千幾米高已經好攰同氣喘，但我好硬頸頂硬上，同埋我有氧氣又唔吸，上到最高先攞嚟吸，但嗰時已經好頭痛，係成世未試過咁頭痛，又好想嘔，差啲暈咁滯，後尾係靠意志躝番落山，事後發燒咗三日！」她又透露上山前被騙，用200人民幣買了一些高山症藥物和水：「嗰啲推銷員呃我係NASA高氧水，但其實係普通水，而且啲藥上到去係周圍都有賣，十幾蚊已經有一排，但我用咗200蚊，雖然好少錢，但都好嬲！」

讚吳業坤跳得

雖然旅程驚險又辛苦，但大無畏的Regen坦言沒有被嚇窒：「人好快會唔記得咗嗰種痛。」旅行後當然要努力工作，Regen下月初會與前隊友張紋嘉（Crystal）、吳業坤和羅孝勇首度合體舉行《2打6七七八八演唱會》，她更大讚吳業坤努力練舞：「我哋四個有首合唱跳舞歌，見到佢排舞都戥佢辛苦，一嚟佢唔係跳舞嘅人，而且排舞老師排啲舞好密，但佢都好努力，而且跟得到！」

服裝：Monki

場地：尖東CEO Neway

文：音樂組　

攝：劉斌