歌手洪卓立（Ken）看似姿整，原來他平日外出的換裝時間快過閃電，戴頂帽就行得，隨身物品更是一眼睇晒：「平時最多笠番頂帽就出得街，我又唔鍾意帶袋，咩都放晒入褲袋，所以帶啲嘢都好簡便啫！」

洪卓立大晒輕便的隨身物品，與平日的姿整形象格格不入！

Ken笑言隨身物品平平無奇，毫無睇頭，但要特別分享其獨門除口氣良品：「個銀包係女朋友送嘅聖誕禮物，鎖匙、電話咁囉，最特別嘅係盒薄荷丸啦，佢除口氣一流，又唔係糖，又唔係香口膠，要成日咬住，一食就咇汁出嚟，好清新，去親日本都要買幾打。」