中秋節嫌傳統月餅太悶，藝人董嘉儀（LuLu）便反傳統整西式Cupcake！無論是兔仔燈籠還是月餅造型，LuLu都整得有板有眼，難怪她直言要用自己的大作來呃Like！

董嘉儀花盡心思炮製西式Cupcake，更力Sell製成品。

首次整Cupcake的董嘉儀表現從容，似乎「入慣廚房」！

中秋要在工作中度過的董嘉儀，惟有跟家人提早吃團年飯。

人稱「大埔LuLu」的董嘉儀一反傳統，炮製西式Cupcake迎中秋，精緻糕點配上其招牌甜美笑容，令人垂涎欲滴！

靚到唔捨得食

賣花讚花香的LuLu力讚自家作品：「今次係第一次整，都幾靚吖！（難唔難整？）覺得唔係好難，但就需要時間，好似呢隻兔仔用咗幾種唔同顏色嘅糖皮去整，好似拼圖咁，花時間、花心機！（有冇打算整傳統月餅？）都想試吓，今次我用糖皮搓咗幾個迷你月餅仔出嚟，幾似呀！」她又表示不捨得食：「梗係唔食啦，用嚟擺！會擺番屋企，攞嚟影相呃Like！」

專撩鹹蛋黃

很多女明星為Keep Fit而遠離月餅，LuLu卻冇有怕：「好鍾意食鹹蛋黃，淨係撩個黃食，蓮蓉就畀晒屋企人食，搞到全個月餅盒都冇晒啲黃！」看來LuLu在家中一定集萬千寵愛。中秋例必與家人食團年飯的她，今年則要到澳門排舞台劇：「第一次冇得同屋企人過，仲要離開屋企，但團年飯都要食，可能提早食啦！」

場地：Cakecohk

文：甄之慧