無綫主播莫家淦（Keith）早前榮升爸爸，趁囝囝莫朗翹（Keanu）出世第五日即拍下初生BB寫真，BB大部分時間都瞌眼瞓覺，間中露出笑樣Cute到爆！Keith說：「最難忘係BB要唔着衫，為怕佢凍親就熄晒冷氣，我哋就超級熱，不過BB算出奇地乖，多數時間都好靜，係期間佢瀨咗尿，搞到我成身都係，不過算小兒科喇！童子尿值錢嘛！」Keith透露最近湊BB加開工，每日非常忙碌：「每兩個鐘就醒一醒，太太負責餵人奶，我幫BB掃風，仲會晨早帶BB出街曬少少太陽，同啲晨運大媽一齊行公園。」

莫家淦與太太抱着囝囝影寫真，好有愛！