傅嘉莉（Kelly）在新劇《張保仔》扮演仰慕陳展鵬的女子，首次拍古裝劇的她表示學得古裝劇的節奏：「古裝同時裝好大分別，掌握用語、說話節奏好重要。」而最難忘的是橫店寒冷天氣，她說：「連腳底都要貼暖包！仲試過攬住陳展鵬，攬到展鵬抖唔到氣，佢話可唔可以放鬆少少，哈哈！」

Kelly在展鵬身上學會古裝劇的節奏。

劇集《愛我請留言》的角色為Kelly打響名堂，雖然角色誇張有口音，但她絕不介意做丑角：「之前跟甄詠蓓老師學戲，佢第一日上堂就特別講，Model要成為一個演員，首先要放低包袱。」而在眾花旦中，Kelly最欣賞的是佘詩曼：「佢每個角色都入型入格，有啲好難嘅對白都可以講得好自如，好想同佢合作，另外一個就係黎耀祥，佢演戲好紮實，好有味道。」 髮型：Ray Mok@Fifth Salon