有「爆乳JJ」之稱的葉梓嵐（Karen）憑「東網Baby」稱號，再度於o靚模界彈起，Model工作於短短兩個月多出一倍，連帶收入三級跳，解決纏擾多時的「畀家用」難題！適逢師妹團FFx推出新歌MV，Karen隨即以自身經歷鼓勵她們，誓要讓更多人刮目相看！

見慣風浪的Karen希望師妹FFx能把握機會，努力創出一番好成績。

樣靚身材正的Karen對住鏡頭大擺甫士，盡顯專業！

Karen挾「東網Baby」之名再闖娛圈，工作不斷兼收入急升！

擁32D驕人身材的葉梓嵐當年幫朋友拍攝「私影」入行，其後被發掘成為前FFx成員，她於2013年與成員推出首本寫真，並成為不少報章雜誌的「常客」！可惜好景不常，寫真界在兩年間湧現大批「超嫩o靚模」，收入暴跌七、八成的Karen最終「認命」轉職秘書，早前更向《東網》真情剖白，自爆最艱難時期收入只得兩、三千，雖足夠自己過活，卻畀唔起家用！

「血淚史」多人Like

訪問出街後，「o靚模界血淚史」隨即引起網民關注，不少網民都在Facebook留言鼓勵「難撈到轉行」的Karen，報道更破紀錄獲近500個Likes，Karen說：「多咗好多人Follow我個Page，我啲Post以前最多得400個Likes，呢排最勁試過成千個Likes！」除有粉絲主動轉發報道到「索女Page」分享外，Karen更「鹹魚翻生」成為客戶及私影師的寵兒，故她相當感謝《東網》：「好開心！報道出咗街即刻有人搵我做嘢，一個星期後就有工開。」她表示工作量比前暴升足足一倍，加埋秘書工作，收入衝破三萬關口！

聲援師妹FFx

提到師妹組合FFx憑一曲《Sugar Baby》成為網上熱話，Karen笑稱很多朋友轉發此曲的不同版本給她：「我諗都係爆紅機會嚟，就算有人投資幾萬蚊做一首歌都未必有呢個回響。」曾經歷事業低潮的Karen又鼓勵小師妹：「雖然一開始評價麻麻，但有邊個一入行未經歷過呢啲時期，要再努力啲，令人另眼相看！」