黃宗澤、岑麗香、黎耀祥及田蕊妮等昨日為無綫台慶劇《無雙譜》進行花車巡遊，向市民派月餅迎中秋。期間香香以「鯉魚嘴」與Bosco扮錫錫，卻被人從後推撞，「弄假成真」！

黃宗澤同岑麗香扮錫錫，險弄假成真！

黃宗澤（左起）、岑麗香、黎耀祥、田蕊妮及黃浩然等昨日為宣傳台慶劇進行花車巡遊。

黃宗澤（Bosco）、岑麗香、黎耀祥及田蕊妮等昨日為無綫劇《無雙譜》作宣傳。香香於活動上以「鯉魚嘴」與Bosco扮錫錫，期間有人將她推向Bosco，險使二人「真咀」。Bosco指她在戲中飾演鯉魚精，所以扮「鯉魚嘴」，戲中的親吻場面只是蜻蜓點水式：「戲入面我仲要成日孭香香添！」在旁的香香即自嘲當時很肥，累得Bosco相當辛苦，但他很識趣，未有嘲笑她反而大讚可愛：「香香嗰時係有啲肥，肥得幾可愛！但唔算辛苦，我好大力！（中秋冇得人月兩團圓可覺得悶？）中秋同家人食飯，唔會悶啦！」

另外，Bosco昨晚出席活動時透露將到杭州拍攝。問到會否在內地搵另一半？他說：「隨緣啦！依家冇乜緋聞，等我可以識吓女仔。（想搵咩類型？）爽朗啲，唔好成日要我照顧，因為我冇乜時間。」

祝福舊愛胡杏兒

提到前女友胡杏兒被指12月結婚時，他說：「如果係要恭喜佢。」他又表示不知無綫封殺她的傳聞：「我聽聞佢有機會返嚟拍戲喎！其實香港娛樂圈咁細，簽邊間有咩所謂，重要係有好嘅合作關係。（你傾續約未？）我仲有一段時間嘅約。」

祥仔唔怕被取代

而已有一年多未有劇出街的祥仔於下周有一連兩套上下線台慶劇《無雙譜》和《梟雄》播出，他認為並非在跟自己對打，因兩劇性質不同。問到今年候選視帝可覺得冇對手？他說：「唔會，好多新演員，好似張繼聰同王浩信等，新舊交替係必然，可能遲啲我畀人炒呢！（擔心會成為歐陽震華翻版不獲續約？）唔擔心！呢個係風水輪流轉，多啲新演員係好事！」

文：影視組