鍾麗淇、劉玉翠、艾威及C AllStar昨日出席電台劇集活動，懷孕七個半月的鍾麗淇笑言早前以為湯盈盈的肚最大，現在驗證過才知她的較大，故打算戴腰封護腰。提到盈盈前日已誕下第二胎，已去過醫院的她說：「睇佢嗰時，細女有微微震一震隻眼，見到好似有啲雙眼皮，不過雙眼皮都係雪糕上嘅車厘子，單眼皮都一樣咁錫。」

鍾麗淇個肚咁大，難怪要用手托住！

劉玉翠與小朋友因拍攝劇集結緣。

而同場的劉玉翠受訪全程被之前一起拍劇、有特殊需要的小朋友抱住，她說：「估唔到佢仲記得我，一見到我就攬住我，佢成日都話結婚，因為佢之前參加過婚禮做花仔。」提到之前參加內地節目《我是演說家》，她表示受節目帶挈，內地的工作都多了，故將會到北京參加另一個很難參加的節目。