再為人父的錢嘉樂昨日與家人及大女凱晴到醫院探望太太湯盈盈及細B女Kassidy，笑指細女似他的嘉樂，昨日改口風指B女「收水」後似媽咪，又透露凱晴與妹妹初次接觸順利：「相處得幾好，佢都指住妹妹叫Sister！（有呷醋？）開頭都驚，醫生都叫第一次見面咪喺佢面前餵奶，咁樣最妒忌，今日佢好乖，媽咪餵奶都叫佢睇，解釋佢聽妹妹食緊嘢。」他又表示太太精神不錯，更帶備相機準備一家四口影合照，還預告太太今天可以出院。而好友佘詩曼、文頌嫻及郭少芸等帶同禮物到醫院探望，文頌嫻與郭少芸指B女似家姐凱晴，阿佘則覺得似媽咪盈盈，提到盈盈曾表示這胎似嘉樂會「條氣唔順」，阿佘說：「生多個囉！」

錢嘉樂帶同大女及盈盈父母到醫院探望盈盈及B女Kassidy。

盈盈好姊妹文頌嫻（前）及佘詩曼同車到埗。

郭少芸攞住手機密密斟，唔通係同盈盈傾緊電話？