組合Super Girls（SG）日前與師妹陳詩欣為中秋節舉行的馬拉松集訓，六人不怕被睇蝕，以貼身長褲示人，身形Fit爆的Heidi及Cheronna更以運動螢光Bra亮相，引來多位「壯男」埋身做「護花使者」陪跑，但兩人未有理會，聽住歌圍着運動場狂奔。跑到滿頭大汗的她們透露，早前跑街實戰期間遇上「手機男」埋身偷拍，Cheronna說：「我跑得比較快，跑跑吓有個孭住鈄孭袋嘅男仔用手機係咁影我，可能佢知我望到佢，就冇再貼住我跑，當我擰轉頭，佢就好驚咁收埋部手機，我即刻拉埋後面啲隊友喪跑撇甩佢。」最終她們喪跑3,000米才脫險。對於連詩雅因練習馬拉松引致筋膜炎，她們覺得要量力而為，不能死撐：「感到唔舒服就要停！」

有眼傷的Cheronna（前排左起）、Heidi及Aka積極練跑，懶理壯男偷望及陪跑。

Jessica（前排左起）、陳詩欣及Yanny落力跑。