連詩雅（Shiga）在挪威成功挑戰半馬拉松，卻加劇膝蓋勞損傷勢，痛楚難當令她一度不能走路，要出動輪椅代步，前日傍晚Shiga被發現獨自到骨科診所求診，只見她一拐一拐行動緩慢，認真我見猶憐！

熱愛跑步的連詩雅因早前到挪威越級挑戰半馬拉松賽，不幸令膝蓋傷上加傷。

到醫院檢查的連詩雅在等候時不停撳手機打發時間。

連詩雅行行吓將手放在腰間借力。

離開時更手執一大包藥，認真我見猶憐。

Stephy早前率領球隊Loey到台灣集訓。

負傷上陣的Shiga不聽從醫生勸告，冒住跛的風險在挪威挑戰半馬馬拉松，雖然成功完成賽事，卻令左膝蓋的關節及肌肉嚴重發炎，她說：「去到14、15公里嘅時候，隻腳真係痛到撕裂咁，趷吓趷吓，我都頂住一直衝。」開心過後隻腳卻愈來愈痛，她說：「膝頭後面嘅筋腫到雞蛋咁大，行路要趷吓趷吓，好唔方便。」她更自爆在芬蘭等轉機返港時，痛到要坐輪椅代步。

Stephy集訓五勞七傷

前日傍晚有讀者發現Shiga在佐敦一間骨科診所，戴着黑超的她以手撐腰，行路時更一拐一拐，狀甚痛楚，在診所逗留了約45分鐘便拿着一袋藥離去。Shiga透過電話訪問時說：「醫生冇話會跛，但佢話如果我繼續咁操勞對腳，唔畀佢休息，就好可能30幾歲要攞拐杖行路，唔容易好！」昨日已飛澳洲為師兄周柏豪的演唱會擔任嘉賓的她，要靠敷冰及消炎藥減輕腳痛。

而出發到挪威之前，Shiga為新碟舉行簽唱會，更獲贈蛋糕作為禮物，粉絲亦特意準備了金唱片祝福新碟大賣，她希望可以開演唱會報答歌迷。而她更會嘗試挑戰快歌，因她很喜歡跳舞：「叻就唔係叻，但我相信將勤補拙，好似我都會覺得自己跑唔到步，但都可以慢慢去磨練！」

此外，鄧麗欣（Stephy）日前率領球隊Loey到台灣集訓，並與當地多隊女排進行友誼賽。提到因練波受傷，Stephy說：「平時練習都好多傷，台灣返嚟都五勞七傷，落地撞到周身瘀都好平常，今次左手手臂仲拉親條筋，腳踝因為太攰有少少腫，肩頸都有勞損，因為喺短時間作高強度訓練，唔夠休息容易受傷啲，抖咗一個星期先好番啲！」

擔心影響日後步姿

患上關節筋膜炎的連詩雅仍然堅持操練兼落場照跑，骨科醫生霍偉明說：「呢個情況跛嘅機會極微，但可能就會影響日後嘅行路姿勢，會趷吓趷吓，冇咁自然。」他又指不少運動員都會肌肉發炎，主要原因分別為急性及勞損性兩種，而長期使用錯誤的跑步姿勢亦有機會引起發炎：「急性嗰啲可能係打波整親，畀人踢親或者受外來物撞擊引致；而勞損性就係長期做同一個動作，過度操練，令軟骨磨蝕而致。」

文：音樂組