歌手張明敏將在「十．一慶典」上首度父子兵上陣，破天荒與兒子張頌華同台鬥靚聲。另外，大會更請得韓國男團INFINITE及「新加坡國寶」陳潔儀壓境助陣！

大會邀得新加坡國寶歌手陳潔儀，屆時定必大晒唱功！

張明敏將破天荒與兒子張頌華同台，父子兵上陣鬥靚聲。

張明敏、高志森及曾智明等昨日出席「十．一慶典」記者會，宣布於下月假紅館舉行文藝晚會，並邀得韓國人氣男團INFINITE、N-Sonic、新加坡國寶歌手陳潔儀及許廷鏗等出席，相信屆時定必星光熠熠！

父子電話對唱練歌

張明敏透露當日會父子兵上陣，與兒子張頌華合唱《父子》。他透露當初反對兒子唱歌，但兒子反而非常大膽，在內地參加不少表演，故決定邀請他同台演出。問到兩父子可有練歌？張明敏說：「佢仲喺上海做緊嘢，但我哋有喺電話對唱，依家係擔心佢國語咬字。」而身為晚會監製的高志森透露，今年慶典出現「爭人」情況，因有內地活動商出天價邀請香港藝人北上演出。問到可有超出預算時，他說：「同上年差唔多，大家都知我哋唔會倒水咁倒。」

曾智明提前妻感慨萬分

同場還有黎瑞恩前夫曾智明，他表示有留意本報獨家披露其前妻在超市暈倒的報道，問到可有慰問？他說：「有呀！佢情況幾好，冇乜嘢。」提到前妻坦言分開後溝通比以前更多，他慨嘆：「人就係咁，有開心，有唔開心。」又透露今年中秋節要到印尼公幹，未能與家人過節。

文、攝：音樂組