傅嘉莉昨日練習策騎時發生意外，除傷及頸、胸和腳外，更擦損面和嘴，險毁容的她說：「學策騎已經4、5個月，騎之前已感覺佢心情欠佳，行到一半，我調整吓腳踭，教練行過嚟摸咗佢個頭一下，佢突然原地急轉彎，將我拋咗落地，我係頭落地先，左邊面損晒，下巴花晒，撞親頸背同腰背。睇咗脊醫，話我腰背骨有啲移位，依家心口同腳都好痛。」但她仍能克服心理障礙，繼續上堂，獲教練讚賞，今明兩天仍會上堂。受傷的她更繼續為無綫李添勝監製的賀歲劇試造型，還笑言多了一個「豬唇」，搽厚粉遮「沙面」。被指已簽約無綫五年做「親生女」的她表示，只簽了合理年期，認為TVB給予她不少機會：「拍劇令我有好大滿足感。」