陳嘉寶（Anjaylia）、蔡穎恩（Evelyn）及組合Super Girls成員Heidi昨日出席護膚品牌活動，她們親手製作環保小盆栽，呼籲大眾關注生態環境。

陳嘉寶自爆兒時常望山望足幾粒鐘，更幫每棵樹改名。

Evelyn（左起）、Heidi及陳嘉寶出席活動時親手製作環保小盆栽。

男友窩心頻送花

問到Anjaylia可喜歡種植小盆栽？她透露一直非常喜歡不同種類的植物，更自爆由細到大家中的房間都面向山景，媽咪曾因而擔心她患有自閉症：「因為我望住個山，一望就望幾個鐘唔會郁，仲逐棵樹改名，真係講得出叫咩名！」她又指圈外男友Epaphras經常送花給她，非常窩心！

至於Evelyn透露家人因信奉風水學，家中放了不少特色盆栽作布局，但她卻不敢種植物：「我由細到大身邊嘅同學種蠶豆都會好成功，而我嗰棵就會死，好似垂死狀態咁，所以唔敢再種。」她又笑言非常討厭收花，因為非常難處理，寧願收盆栽。另外，Heidi表示小學時流行種綠豆及紅豆，但她不善打理，又稱現在較喜歡鮮花：「好鍾意同朋友好早去花墟，鍾意繡球花，但壞處係好快凋謝。」