張栢芝前晚坐夜機飛米蘭時裝周,姍姍來遲的她表示將逗留五日,主要是睇騷及與鞋履設計師會面。提到大仔謝振軒(Lucas)和細仔謝振南(Quintus),她說:「學校畀佢兩個跳級,本來幫佢哋追功課好辛苦,但小朋友好快適應,我出門時Quintus要我帶意粉同Pizza畀佢,佢唔係掛住我,似掛住啲嘢食!」她又透露為兒子回流香港生活:「佢哋去邊我去邊,今次出門,有屋企人同公司同事幫手照顧。(兩個仔有冇見爸爸謝霆鋒?)咁要問番佢哋爸爸。(霆鋒公司嘅香港生意縮減業務。)我冇睇報紙,但如果係真會送上祝福,希望壞事咪發生。(王菲有咗BB?)呢個有聽過,傳聞啫,即係唔係真啦!」自稱單身的她又否認與內地富商孫東海相戀,亦避談與前經理人公司老闆的轇轕。另外,台星王大陸前晚亦上機返台北,有多名粉絲送機的他有求必應與粉絲自拍,而曾國祥及女友王敏奕亦現身機場,出發到加拿大參加朋友的婚禮。

姍姍來遲的栢芝全程由助手護送。