高海寧和黄子恆昨日為葉翠翠與王子涵主持的節目《姊妹淘》擔任嘉賓。高海寧剛從加拿大返港，她坦言在當地為無綫宣傳節目期間沒有艷遇，留待稍後到韓國旅行時碰緣分，她笑說：「有個朋友嫁咗去韓國，佢話介紹男仔畀我識，何雁詩都搵咗個韓國男友啦！唔排除任何可能，呢代韓國男人唔再大男人，好錫老婆、好專一，我接受到異地戀o架！」

高海寧希望在韓國遇到真命天子。

葉翠翠（右）和王子涵受訪時透露打算生BB。

而葉翠翠則透露剛與老公到土耳其及希臘等地度蜜月：「去咗希臘幾個島，嗰度下晝曬、夜晚凍，後期都病咗。」翠翠又直言有生B計劃：「我有問老公幾時生，佢話唔使即刻，擔心有小朋友後唔再喺我心中排第一位，變成二打六。」