郭富城昨晚出席微電影《愛在當下》欣賞會，同場有參演該微電影的四歲小妹妹，城城父愛氾濫經常跟小妹妹玩耍，似足一位慈父！

城城父愛氾濫，小妹妹玩到彎晒腰！

城城大談拍攝時曾被小主角一句說話「唔希望爸爸變老」觸動，感到心停了一停，令他對愛錫身邊人有很大感悟，覺得愛是需要行動。問到是否想當爸爸？城城說：「十年前拍《父子》時做過！幾時做爸爸，冇得定，緣分天注定！（搵真命天女！）唔係自己搵，如果上天安排自然會出現！（咁冧個小妹妹，係咪將來都想生女？）都好！生女做爸爸嘅動力仲大。（仲唔生唔驚有代溝？）所以一路要Keep住自己好Fit，令自己保持年輕嘅心態。」

城城今次跟四歲小妹妹合作拍微電影，遇到不少趣事，試過因小朋友扭計而要呆等三小時才拍到一個鏡頭，不過辛苦有價，目前該微電影的網上點擊率已逾四百萬。