歌手黎瑞恩(阿恩)上周一(14日)在超市抽搐暈倒送院,昨日是她出院後首次露面,為好友李國祥的演唱會綵排,略現疲態的她表示身體仍然「飄吓飄吓」,又憶述當日暈倒情況:「嗰日突然好似老花咁,睇嘢好矇,好似有兩道黑色嘅閘閂埋兩隻眼,失去知覺十幾分鐘。」她又指當日暈倒原因不明,與胰臟腫瘤無關,又指癌細胞指數低了一半。有指她當日嘔白泡,她說:「我唔知喎!淨係知有抽筋,有一邊面戚起咗,醒咗聽到個女喊。」

黎瑞恩為李國祥的演唱會綵排時,略帶疲態。

她笑言不擔心身體有事:「行咗咪行咗囉!不過我冇咁快住嘅。」她透露前夫曾智明有致電慰問:「分開咗仲多咗溝通,做朋友好似仲好啲。」而李國祥則稱阿恩送院後有致電問候:「今日同佢一齊嚟,都有話唔舒服,但係照晒嘢話冇事,成日提住佢都唔好啦!」