陳百祥（阿叻）、Joe Junior及威利昨日為無綫節目《星光熠熠耀保良》綵排唱歌，阿叻希望能讓觀眾重溫昔日夜總會大型歌舞感覺，多年沒有正式上台唱歌的他說：「咁耐冇唱都緊張，但一上台就會上身，幾首歌有難度，係考自己牌，好玩嘅，搵番以前回憶。（歌癮大發？）我都驚有，容乜易出番嚟搵食。」

威利（左起）、阿叻及Joe Junior綵排唱歌。

杜麗莎將大唱串燒經典歌為港人打氣！

另外，杜麗莎綵排時談到唱歌學生蔡卓妍甩拖，她驚訝地說：「吓！我八月同佢食飯，佢仲好開心，但係大家就冇傾感情問題。（覺唔覺蔡卓妍情路坎坷？）我唔知呀！老師學生都係傾音樂。（見到佢會唔會慰問？）我哋唔講私人嘢。」