林德信認老做型佬

最近不論年紀，不少「星二代」都備受注目，已出道成為歌手的林子祥兒子林德信（Alex）前日出席頒獎活動，記者指他是一眾得獎者中最年輕的一位，又遺傳了父親的型格基因，他笑說：「其實我都老喇！係遺傳媽咪，爹哋少少型啦！」問到認為自己最具魅力之處？Alex笑稱是時間觀念：「我覺得最緊要準時，反而呢樣係遺傳！（約會同返工都係？）係，會早到半個鐘，同屋企人食飯約7點，大家6點半已經到齊。」