貴為首屆亞姐冠軍的黎燕珊早前首次與長女劉詠詩(Wynce)母女檔行騷,過往是男仔頭的Wynce搖身一變成為亭亭玉立的可人兒,有美貌又有身材,令人眼前一亮!Wynce接受專訪時透露現時任職空姐實現兒時夢想,最愛周遊列國及探討異國文化。

黎燕珊不想Wynce早婚,寄語女兒盡情享受生活。

Wynce性格溫純,擇偶自動Foul走狂躁男。
劉詠詩
化妝:杜杜
服裝:Arpege Story
場地:Wired Cafe

媽咪反對早婚

Wynce是個有主見的女生,清楚自己的人生目標及方向,受訪時大方承認「名花有主」,媽媽黎燕珊以過來人身份分享心聲:「當年我二十幾歲就結婚生女,太早收窄個人生活,我唔希望個女似我,想佢多啲享受人生!因為一結婚生活就完全改變。」難得兩母女沒有隔膜,無所不談,Wynce明言視母親為學習對象:「媽咪好緊張我,因為佢後生已經獨力湊大我同細佬,即使幾辛苦都叫我哋唔使擔心,從來報喜不報憂,所以我似佢,脾氣幾好,搵男朋友都一樣,唔會揀脾氣大嘅人。」未知此番說話是否暗示脾氣剛烈的父親劉永!

半空有艷遇

雖然已有男友,但Wynce亦不乏裙下之臣,她笑說:「試過有次飛北京要幫手Sell免稅品,有個男乘客話如果我肯收佢個公仔就會幫襯我買嘢,後來同同事商量後都收咗,佢亦有守承諾買嘢!」此外,擁有健康膚色的Wynce不時被誤會是泰國人,更企圖以泰語交流,認真搞笑!

第一手消息請下載on.cc東網iPhone/iPad/Android Apps