Kendall頻頻見報，其妹妹Kylie都新聞多多！她於上周五現身美國阿納海姆睇歌手Chris Brown開騷，撐男友Tyga做嘉賓，本來睇騷好地地，豈料離開時被狂迷扯頭髮，連頭都歪埋！當晚Kylie例牌留了一頭長藍綠色的頭髮亮相，有狂迷見到偶像急急腳走，即忍唔住一手抓實Kylie把長頭髮，搞到她頭向後倒，面露痛苦表情，望見都覺得肉痛！Kylie的保鏢一見到已經即時上前阻止，而Kylie亦獲狂迷放生離開。

另外，日前睇時裝騷不慎被Kylie保鏢推開的謝茜嘉艾芭（Jessica Alba），上周五獲Kylie送上鮮花道歉，而謝茜嘉亦上載照片大讚Kylie好細心。