陳凱琳（Grace）昨日亦有出席無綫新劇《張保仔》的宣傳活動，更被途人捉實拍照，大受歡迎！提到陳展鵬與洪永城（Tony）的不和傳聞，Grace指拍攝期間未察覺二人有異樣，認為可能因為此劇有兩位男主角才有此新聞。現場見Tony不時捉實Grace聊天，卻未有與展鵬交流，Grace笑說：「我同佢Friend啲，佢同我吹水啫！」談到展鵬被指鬧Tony一事，她否認其事：「佢哋之前合作拍劇都有默契！冇見過佢哋嗌交，係我同Tony嗌得多啲，因為套劇我哋成日鬥嘴，佢鬧我臭婆娘，我鬧佢變態佬！」

陳凱琳指成日同Tony嗌交，鬧佢係變態佬。