洪永城（Tony）與陳展鵬昨日出席新劇《張保仔》宣傳活動，被指不和的二人全程甚少交流，不時背對背之餘，更分枱食飯！展鵬更坦言唔抵得Tony搵到筍盤唐詩詠。 文：影視組

洪永城（左）同陳展鵬企到勁開，明顯有古怪！

洪永城全程捉實陳凱琳，陳展鵬一於扮睇唔到。

陳展鵬同一眾演員自拍，今次到洪永城行開。

洪永城食飯時一個人坐開。

洪永城及陳展鵬等昨日於長洲宣傳無綫台慶劇《張保仔》，被指不和的洪永城及陳展鵬全程甚少交流，雖然Tony曾主動搭展鵬膊頭示好，但二人全程面左左之餘又背對背。展鵬與其他演員玩自拍時，Tony索性擰轉身扮見唔到，午膳時更分枱坐！

妒忌有女埋身

展鵬笑指二人拍劇時已不和及有積怨，被問是否「唔抵得」對方上位快？他說：「其實佢拍劇Part得最多係我，我係唔抵得佢咁快學晒我啲嘢做男主角！（有心病？）多到數唔晒！（最嬲咩？）咪一入嚟就識咗個女朋友！詩詠咁筍都畀佢溝到！」展鵬又稱加入TVB多年都未有拖過女仔手，要自我檢討，並否認曾鬧Tony當片場是遊樂場，大讚他工作認真。

有討論冇鬧交

Tony聽畢展鵬的回應後即低頭大笑，感激對方的教導令他進步神速。至於是否「踩住」對方上位？他說：「你講得咁難聽！我唔會答你！」被指上位快的他指加入TVB已三年，感激公司給予機會。至於被問到有否與展鵬吵架時，他則笑說：「有討論但冇嗌過交，因為佢一定拗贏。（私下有聯絡？）間中有WhatsApp，之前一齊睇戲！」

洪永城還爆料指曾介紹女仔給陳展鵬認識，但最終未能成就美事，他笑說：「可能佢享受一個人的生活，又希望有個好女人好好接受同包容佢呢個人！」