楊千嬅前晚舉行巡迴演唱會澳門站，老公丁子高特意帶同囝囝Torres、父母和奶奶撐場，她在個唱上分享以前的失戀經歷，而現在擁有幸福家庭的她向老公表白：「世畀上冇話有『最愛』，喺啱嘅時間遇到啱嘅人就係『最』。」她邀請王菀之（Ivana）任嘉賓合唱《月亮說》，本來這首歌是Ivana寫給她，但因合約問題未能錄製，覺得是個遺憾。最後千嬅感激媽媽在她出埠開騷時幫手湊囝囝，給了她很大力量。

千嬅在台上分享失戀經歷，又向台下的老公丁子高表白。

千嬅邀請Ivana擔任嘉賓，大讚有才華。

丁子高與千嬅父母帶同囝囝Torres睇騷。

千嬅受訪時自爆完騷返後台嚇親囝囝，覺得可能是囝囝未消化整晚過多的內容所致：「我嗌BB，佢走開。（化咗妝？）有冇差咁遠！佢堅驚咁避開我。」對於媽媽及奶奶撐場，她則笑言好像拜年組合！