張智霖（Chilam）昨日到大埔林村出席活動推廣手語，更即席「初哥哥」上身，帶領觀眾齊做手語發放正面訊息，訪問時更誇讚當年在無綫劇集《十月初五的月光》中初哥哥的角色很具代表性：「能夠做慈善，確實令到初哥哥呢個角色更有意義，而電影版亦已進入後期階段，應該喺11月同大家見面，希望帶到更加多訊息畀社會唔同階層嘅人。」Chilam亦表示今次電影版的對手陳喬恩手語戲份較多。

Chilam大讚靚靚禾稈冚珍珠，自誇識貨。

提到太太袁詠儀（靚靚）日前中門大開性感出席公開場合時，他笑說：「可以話係禾稈冚珍珠，我就識嘢啦！（有人Dislike？）冇所謂，必定會有，冇就好怪。（鍾意佢性感？）冇所謂，其實到依家呢個階段，應該係好自在去做任何一樣嘢，亦唔係去取悅任何人，開心最緊要。」不過太太前日在網上大呻辛苦求按摩，Chilam卻因到上海工作兼深夜返港未及安撫。

驚訝阿Sa陳偉霆分手

另外，蔡卓妍（阿Sa）及陳偉霆公開分訊轟動全港，Chilam大感驚訝不敢盡信，更以自己經典金曲《現代愛情故事》的歌詞表達內心感受：「正所謂，『別離沒有對錯，要走也解釋不多』，我覺得冇所謂嘅，最緊要好嚟好去。」