影后劉嘉玲昨日出席《香港Globe-athon 2015》慈善步行，提到電話騙案日益猖獗，她自爆早前有一名報稱是速遞公司的職員，指她從上海寄出不合法的護照，最後她以機警嚇退騙徒：「香港同內地市民都要好留意，咪隨便相信人哋同你講求其，或者嚴重嘅嘢！一聽就覺得唔可能，我就Cut咗佢線，佢之後再打番畀我問點解Cut佢線，我就同佢講再打嚟就報警！」嘉玲又指其母親則被一名自稱是公安的騙徒，指她欠了近五千元電話費，要立即交款到某戶口：「我阿媽年紀大，一聽到就會好驚，佢哋習慣用法律令人好驚好緊張，同埋詐騙時間一定係下晝兩點至五點，得番良家婦女喺屋企時就最容易呃！（媽咪最後有冇受騙？）好彩我喺度！我比較驚得起，受得起壓！」

嘉玲性感上陣為珠寶品牌拍廣告照。

嘉玲出席活動時呼籲巿民小心電話騙案。

前法國第一夫人布魯尼到羅馬為珠寶品牌拍廣告照。

另外，嘉玲及前法國第一夫人布魯尼日前為珠寶品牌BVLGARI遠赴羅馬進行拍攝，兩位東西方女神在拍攝期間，散發出不同的魅力。