前亞姐筱靖平時最愛自拍，自拍時更會擺出多個得意表情，她說：「平時對住鏡會擺啲得意表情然後自拍，但真係影相時就會覺得唔好意思。（有冇試過擺出1至10嚟影相？）哈哈，會呀！其實之前參與藝員訓練嘅時候，導師話自拍唔同嘅表情可以有唔同感覺，對拍戲有幫助。」

筱靖擺出嘟嘴表情，可愛呀！

筱靖會擺得意表情氹男友，好甜蜜呀！

本身鍾意照鏡的筱靖透露，經常會自拍然後上載社交網站同人分享，提到早排很流行的kiyomi，筱靖當然有玩埋一份。自認充滿童真的她更自爆：「我鍾意攞住啲公仔嚟影相，因為咁樣好Cute。（之前有冇試過做啲得意樣氹男朋友開心？）會呀，但我唔會理佢會唔會開心番啦，總之我就好開心，哈哈。」