林夏薇昨日到北角為有份投資的食店舉行開幕禮，視帝黎耀祥一家三口到賀，老闆娘薇薇說：「除咗呢間，屯門黃金海岸仲有一間，我同兩個同朋友合資，兩間舖總共投資咗八位數字。（老公支持你？）支持，但我哋財政獨立，分得好開。（佢唔嚟？）佢有嘢做。」對有指無綫近日與藝人簽長約，薇薇說：「有聽聞，但我冇份。（學林峯出外闖？）未諗住，依家（開食店）算唔算（外闖）？其實我做咗幾年，係近來至為公司宣傳。（開食店鋪後定路？）唔係，好多藝人都有做生意，我鍾意腳踏實地。」

視帝黎耀祥一家三口賀林夏薇（右二）做老闆。

黎耀祥對於TVB等人用一說，他說：「咩呀！好多後起之秀上緊嚟，張繼聰、楊明咁，當年周潤發走，五虎至有機會上，五虎走，劉青雲就上嚟，呢個係行業健康發展，我都望有新鮮對手出現。」

另外，婚後甚少談及婚姻生活的薇薇，昨日破天荒上載與老公Jason面貼面的合照，並留言：「今天是個好日子，大吉！給力！」引來網民留言：「新生命準備誕生？」、「擇吉時造人？」