《執2》監製方駿釗透露再拍《執》劇是全新編劇，只會吸取概念，望向這套經典作致敬：「細細個已經鍾意呢套劇，依家睇都係潮作，仲好Update！（有咩唔同？）以前套劇較恐怖，今次拍新版係喜劇，冇咁多鬼上身場口，劇情開心好多，因為劇中有兩隻開心鬼，胡楓同羅蘭，由一間鬼屋帶出故事，劇中Bobby係一家之主，定欣就唔再做鬼，演一個原本唔信鬼神嘅人，最後有所改變。」他指為緊貼時代，劇中的鬼魂會透過Wi-Fi網絡交流，又可作治鬼之用！

「老戲骨」羅蘭與胡楓亦有份助陣《執2》，兩人的生鬼演出令人期待！