Bobby拍準視后 胡定欣 搞鬼
日前《東網巨星》Facebook推出的投票活動《重播你有Say》候選劇《執到寶》，為以鬼為題材的經典喜劇，家傳戶曉！就連兩大視帝后黎耀祥及胡杏兒都一致畀Like！加上早前同類型劇種、由胡定欣主演的《鬼同你OT》至今為止是無綫收視率最高劇集，故無綫食住條水找來收視福將歐陽震華及憑《鬼》劇成視后大熱的定欣開拍《執到寶2》，勢再掀起煲鬼劇熱潮！
胡定欣(左)主演《鬼同你OT》
未睇過《執到寶》的杏兒希望經典重溫！
Bobby早前與黃心穎（左）及萬綺雯合作無綫劇《東坡喜事》，拍檔愈來愈「嫩」！
文：專案組
無綫深宵時段重播經典劇掀起煲劇潮，最強娛樂資訊App《東網巨星》聯同無綫在《東網巨星》Facebook推出投票活動《重播你有Say》，於芸芸經典劇中嚴選十套予網民盡情Like，得票最高的經典劇將順應民意、於下月5日接《大鬧廣昌隆》棒在無綫深宵時段播出。
杏兒望經典重溫
在十套經典劇中，由劉克宣、馮淬帆及黃韻詩主演、以鬼為題材的喜劇《執到寶》更獲視帝黎耀祥及視后胡杏兒Like爆，祥仔表示對《執》劇印象深刻：「套劇講少少鬼上身，但又唔係好恐怖，都幾得意、幾有感情，當時嚟講係好新嘅題材！」未曾看過該劇的杏兒卻早聞該劇乃經典作品：「我知甘國亮有份演亦有份編，喺劇入面佢仲踩雪屐，但踩成點我就唔知，所以咪好想睇囉！」
有見以鬼為題材的劇集大受歡迎，而早前由胡定欣、田蕊妮及陳豪主演的《鬼同你OT》又贏盡口碑兼收視報捷，故無綫打算食住條水，於今年11月初開拍《執到寶2》，並找來今年視后大熱之一的定欣聯同「收視福將」歐陽震華（Bobby）及滕麗名擔正演出。定欣於劇中與Bobby飾演情侶，而此劇是Bobby繼合約風波後首度再與無綫合作，劇中的一對「開心鬼」則由有「鬼后」之稱的羅蘭及胡楓（修哥）飾演，陣容鼎盛！
劇鬥「嫩口」花旦
Bobby昨日接受本報電話訪問時指知道新劇是以《執到寶》為藍本的搞鬼喜劇，可發揮其搞笑天分：「傾約時珍姐（曾勵珍）已留定劇本畀我，今次可以同修哥、羅蘭、劉江幾位前輩合作好開心！佢哋幾位都演鬼，一定好好笑！」他知道新拍檔定欣視后呼聲高，亦自言欣賞對方：「佢拎視后唔出奇，佢演戲愈來愈穩健，有台型，相信同佢會有火花！」最後更笑言從影多年，合作的花旦愈來愈年輕，認真有艷福！
